Psa 132 | NdeIBE | STEP | Ingoma yemiqanso. O Jehova, khumbula uDavida ngezinhlupheko zonke azibhenselayo.

Psalms 132

Ingoma yemiqanso.

1 O Jehova, khumbula uDavida ngezinhlupheko zonke azibhenselayo.

2 Wafunga isifungo kuJehova wenza isithembiso kuSomandla kaJakhobe:

3 “Angizukungena endlini yami loba ngiye embhedeni wami –

4 angiyikuwavumela amehlo ami ubuthongo, akukuba lakuwozela ezinkopheni zami,

5 ngize ngifumane indawo kaJehova, umuzi kaSomandla kaJakhobe.”

6 Sakuzwa lokhu e-Efratha, sakubona emmangweni waseJayari:

7 “Kasiye lapho ahlala khona; kasikhonze phansi kwesihlalo sakhe –

8 phakama, O Jehova, uze endaweni yakho yokuphumula, wena lebhokisi lakho lesivumelwano elitshengisa amandla akho.

9 Sengathi abaphristi bakho bangembeswa ngokulunga; sengathi abangcwele bakho bangahlabelela ngentokozo.”

10 Ngenxa yenceku yakho uDavida, ungamfulatheli ogcotshiweyo wakho.

11 UJehova wenza isifungo kuDavida, isifungo esiqinileyo angakusaphula wathi: “Omunye wezizukulwane zakho ngizambeka esihlalweni sakho sobukhosi

12 aluba amadodana akho egcina isivumelwano sami lezimiso engibafundisa zona, lapho-ke amadodana abo azahlala esihlalweni sakho sobukhosi kuze kube nini lanini.”

13 Ngokuba uJehova ukhethile iZiyoni, uyithandile ukuba yindawo yakhe yokuhlala:

14 “Le yindawo yami yokuphumula lanini; lapha ngizahlala ngisebukhosini, ngoba ngiyithandile –

15 ngizayibusisa ngokudla okunengi; abayanga bayo ngizabasuthisa ngokudla.

16 Ngizavunulisa abaphristi bayo ngensindiso, labangcwele bakhe bazahlabelela ngentokozo nini lanini.

17 “Lapha ngizakhulisa uphondo lukaDavida ngilungisele ogcotshiweyo wami isibane.

18 Ngizakwembathisa izitha ngehlazo, kodwa umqhele osekhanda lakhe uzakhazimula.”